मानव जन्म कधी

आई तुझ्या कुशीत ,पुन्हा यावेसे वाटते

निर्दयी या जगापासून ,दूर जावेसे वाटते ....१

कोणी न येथे कोणाचा सारीच नाती खोटी

तुझ्याशीच फक्त आता ,नाते जपासेवे वाटते ...२

उकळून प्यायलो मी सुख दुख सारे

मातेतुझ्या विरहास ,न प्यावेसे वाटते...३  

कितेक रात्री ऐश्वर्यात लोळलो मी

अखेरच्या क्षणाला ,तुझ्या कुशीत निजावेसे वाटते ... ४.

दगडातला तो देवही ,आता नवसाविना पावेना

निस्वार्थ हृदय माउली ,तुलाच पूजावेसे वाटते ...  ५

असेल जर मजला ,मानव जन्म कधी

आई तुझ्याच पोटी ,पुन्हा जन्मावेसे वाटते....६