आसुसलेल्या डोळ्यांनी वाट पाहत होतो

 

आसुसलेल्या डोळ्यांनी वाट पाहत होतो
आसुसलेल्या डोळ्यांनी वाट पाहत होतो

ओठात नाही गाणे तरी गात होतो

सारे जग सोडून आलो तरी

ती काही आलीच नाही .......१

पापण्यातील पाणी आटले

बोलण्यास हे कंठ दाटले

बेधुंद असा मी झालो तरी

ती काही आलीच नाही.....२

मागे पुढे वळून पाहत होतो

चूकली का वाट वळून पाहत होतो

वाटेत घामाघूम मी झालो तरी

ती काही आलीच नाही .....३

संयमाचा बांध तुटला

कंठाचा बांध सुटला

शून्यापरी होऊन उरलो तरी

ती काही आलीच नाही .....४

डोळ्यात सारे सागर दाटले

आभाळीचे नभ फाटले

वेगाने जमिनीवर बरसले

आकांत झाला एक सुरात

वेगाने सर्वत्र पसरले तरी

ती काही आलीच नाही .....५